Missina: arrivi n’ta
stazioni,
n’chianannu supra ‘u trenu
ti pigghia lu sconfortu,
lurdia, disordini e
desolazioni.
Ma quantu è stranu l’essiri
umanu!
E intantu semu arrivati ‘o
portu,
picchi di la stazioni,
la nostra prima sosta
è intra lu traghettu:..
ancora sivi , buci e
confusioni
e a nui chistu nun ni
sposta
e nun suffremu mancu di
rigettu!
Un viaggiu n’amu ‘a fari,
nun cettu di piaciri,
ma p’annari ‘a circari
un postu ‘i travagghiari!
Ti custa lu bigliettu
chi fai n’ta l’agenzia
oppuru su internettu,
picchì n’ta la stazioni
c’è puru ‘stu difettu:..
rara è ‘a... biglietteria!
Nun ni parramu propriu
si ti voi avventurari
pinsannu ‘i caminari
cu’ ‘na gran bedda machina,
(cussì ti poi... fimmari)
t’assicuru io,
n’ta strada pì Salernu
ci su’ tanti ‘i ddi sosti
(.. e guasti)
chi ti pari nù ‘nfernu,
e anziché arruvari
llienatu,
stai tranquillu c’arrivi
mistuto!
Si poi soddi e tempu voi
ittari,
scegliti l’aereu pì
viaggiari,
valigi a misura e anticipu
d’un’ura.
Perciò si a Catania o a
Riggiu t’a ‘mbarcari,
è megghiu chi nu ti vai a
curcari.
E allura: viaggiari o non
viaggiari,
caminari o stari femmu?
Ma cù ‘sti mezzi unn’amu
annari,
cunnutu lu guvernu!
Eppuru, sai chi ti dicu,
a tia, me caru amicu:
io mi ni staiu ‘a casa
e tu, si voi viaggiari,
venimi
a... salutari!