POESIE
U miraculu di gardeni
di Alfonso Saya
Un jornu, Patri Francia
caminannu ‘nta na strada di Missina,
vitti un ciuraru di Cumia
chi era dispiratu,
non sapia comu avia a fari
picchì a cesta di gardeni
ci cadiu di mani
e i gardeni annaru a finiri
‘nto fangu e divintaru tutti niri.
Bonu, ci dissi Patri Francia,
non ti dispirari. ‘nta stu munnu
pacienza s’avi aviri,
a vuluntà di Diu s’avi a fari!
e cugghia, cugghia i gardeni
tutti lordi, tutti niri
ma ‘te so’ mani
divintaru ianchi cchiù da nivi.
|
