Cauddu lu suli
già a principiu ‘i jurnata,
cauddu comu lu sangu
di ‘na fimmina nnammurata.
Cauddu chi fa mali,
abbrucia, struppia,
megghiu chi mi riparu, all’umbra,
vicinu a ‘na frischia.
Sutta a ‘sta canicula,
fracidu ‘i sudura,
ceccu ‘na patti umbriata,
chi m’allevia la calura:
un pedi d’abbiru,
‘na pammara, ‘nu buttiscu,
magari ‘na vina d’acqua,
pi mettiri ‘i pedi o’ friscu!
E mentri ci raggiunu,
allenta la me’ manu:
mi pari chi nun reggiu,
è mugghiu chi mi poggiu!
Cussì vulissi annari
pi l’ultimu me’ viaggiu:
cu’ suli a picu di menzionnu
e io chi Vi salutu…
“sapiti… nun ritonnu!”.