Arrivi a nù
mumentu
chi ‘na vuci ti
chiama
c’u tempu
s’avvicina,
prima paria
luntana.
È ‘a vuci di lu
mari,
fa scrusciu n’ta
mè vita...
d’idda mi fazzu
cumannari,
finu c’arrivu a
la “girata”!
Mari comu sali,
lacrimi e duluri,
mari comu acqua,
ossigginu e piaciri,
mari comu ‘na
fimmina chi ti inchi d’amuri,
mari comu nu
figghiu: chi beni chi ti vogghiu!
Ssittatu n’ta la
spiaggia,
cu “iddu” ‘i
facci a mia,
ci parru e ci
raggiunu... e mi passa la raggia:
è tutta ‘na
puisia!
N’chiana,
scinni,
s’alluntana e mi
veni vicinu,
sbrizzia e si
chiania
comu lu chiantu
e lu risu d’un cristianu.
Amicu mei è u
mari
ma quantu e chi
duluri
quannu supra
‘sta spiaggia
lassi lu to’
amuri.
Un baciu, ‘na
lacrima, un fazzulettu:
ritorna, io
t’aspettu!
E lu pinseri
curri
‘o cauddu di lu
lettu.
Amuri, io ti
vogghiu,
non curru ma ‘u
disiu
di stari accantu
a tia
non cettu mi
finiu!
Stari luntanu è
duru
ma u tempu, pi’
l’amuri,
‘u canusciu e
sugnu sicuru,
è megghiu d’un
dutturi.
U’ cori mei
parti, resta e torna,
cu iddu mi ‘nni
vaiu
ma ‘u tempu, i
misi, i iorna,
guarisciunu ogni
guaiu.
E quannu
abbrazzata a mia
mi stai pì
salutari
dimmi ‘sta
puisia...
“ti vogghiu
accantu a mia... Amuri!”