POESIA
Patri Francia vitti Gesù ‘nta na gran luci
di Alfonso Saya
Un iornu Patri Francia
caminannu ‘nta na strada di Missina
vitti un figghiolu
tuttu lordu, tuttu strazzatu
u muccu ci scinnia du nasu
tutti u scanzaunu, tutti ci diciunu:
“Leviti di pedi, lordu, fitusu!”
Patri Francia si firmò,
ci firrò a manuzza
e su purtò a sò casa
su purtò cu iddu
e u trattò comu un figghiu:
u lavò, u vistiu
ci desi a manciari
u cuccò ‘nto sò littinu
e mentri ci dicia paroli duci
e ci facia fari a cruci
mentri u baciava
vitti Gesù
‘nta na gran luci.
|
