POESIA
‘A spiranza!
di Lillo Centorrino
Spiranza ‘i vidiri lu lustru priannu
quannu scura,
di supputtari ‘u friddu truvannu ‘a
calura.
Spiranza ‘i riturnari,
quannu fusti custrettu la casa toi
lassari.
Spiranza p’un travagghiu,
dopu chi lu piddisti pì ‘nu sbagghiu.
Spiranza d’un mumentu,
spittanu ‘na risposta p’un to’
sentimentu.
Spiranza d’un cunsigghiu,
quannu a to’ patri ci lu cecchi di
figghiu.
Spiranza d’aviri ‘u giustu,
s’u cchiu s’avi ‘a ittari nun c’è
gustu.
Spiranza tutti ‘i jorna,
di vidiri a ciancu ‘i tia cu nun
ritonna
Chistu è ‘u cchiù difficili d’a
spiranza:
quannu mi ridduci sulu n’ta me’ stanza,
Signuri Iddiu tri preu… nun mi dari
suffirenza,
Spiranza di muriri
senza farimi suffriri!
|
